ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

2017-11-11

  • «Къэбэрдей-Балъкъэр Республикэм и пащхьэм щиIэ фIыщIэхэм папщIэ» орденыр Чеченов А. А. етыным и IуэхукIэ
  • Къэбэрдей-Балъкъэр Республикэм и Iэтащхьэм и Указ
  •  
  • Республикэм и къэралыгъуэр зэфIэувэным щиIэ фIыщIэхэмрэ социально-экономи-кэ зыужьыныгъэм хуищIа хэлъхьэныгъэшхуэмрэ щхьэкIэ «Къэбэрдей-Балъкъэр Республикэм и пащхьэм щиIэ фIыщIэхэм папщIэ» орденыр Чеченов Ануар Ахъмэт и къуэм етын.
  •  
  •       Къэбэрдей-Балъкъэр Республикэм и Iэтащхьэ                              КIУЭКIУЭ  Юрий
  • Налшык къалэ
  • 2017 гъэм щэкIуэгъуэм и 10-м
  • №145-УГ
  •  
  • Чеченов Ануар Ахъмэт и къуэр Къыргъыз ССР-м щыщ Фрунзе областым и Чуйскэ районым хыхьэ Дон-Арык къуажэм 1950 гъэм къыщалъхуащ.
  • КъБКъУ-р къиуха нэужь, къэрал университетым и щIэныгъэ-къэхутэныгъэ къудамэм щIэныгъэ лэжьакIуэу уващ. 1979 гъэм къыщыщIэдзауэ 1988 гъэ пщIондэ – цIыхухэм Iуэхутхьэбзэ яхуэщIэнымкIэ Тырныауз щIыналъэ производственнэ управленэм и унафэщIым и къуэдзэщ, КъБР-м ЦIыхухэм Iуэхутхьэбзэ яхуэщIэнымкIэ и министерствэм и къудамэм и унафэщIщ, курорт Iуэхутхьэбзэхэр щыхуащIэ комбинатым и унафэщIщ.
  • 1988 – 1992 гъэхэм – вольт лъагэм ирилажьэ Iэмэпсымэхэр къыщыщIагъэкIыу Налшык дэт заводым и планово-экономикэ къудамэм и унафэщIым и къуэдзэщ, КъБР-м ЛэжьыгъэмкIэ и къэрал комитетым  деж щыIэ «Труд» чэнджэщакIуэ фирмэм и унафэщIщ, КъБР-м и Министрхэм я Советым экономикэ зэхъуэкIыныгъэхэм-кIэ и комиссэм и IэщIагъэлI нэхъыщхьэщ. 1992 – 1997 гъэхэм – КъБР-м ухуэныгъэмкIэ и министрым и къуэдзэщ.
  • КъБР-м и Парламентым и етIуанэ, ещанэ зэхуэсыгъуэхэм я депутату щытащ, 2004 гъэм къыщыщIэдза- уэ 2009 гъэ пщIондэ КъБР-м и Правительствэм и УнафэщIым и къуэдзэу лэжьащ. КъБР-м и Парламентым и еплIанэ зэхуэсыгъуэм и УнафэщIу щытащ.
  • Ухуэныгъэм и инвестицэхэмрэ экономикэмкIэ дунейпсо академием и действительнэ членщ, РАЕН-мрэ Урысейм естествознаниемкIэ и академиемрэ я член-корреспондентщ. Экономикэ щIэныгъэхэм я докторщ, КъБР-м и ЩIыхь тхылъыр къыхуагъэфэщащ.