ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

БлэкIам и лъэужь

2017-10-31

  • Иджыблагъэ Налшык къыщыдэкIащ «Высшие сословия адыгов и абазин (1869 – 1898)», «Материалы к генеалогии кабардинцев (1857 – 1919)» тхылъыщIэхэр. Архив дэфтэрхэр и тегъэщIапIэу, ахэр зыгъэхьэзырар Мамхэгъ Астемырщ.
  •  
  • - Иужьрей илъэсхэм цIыхухэм яфIэгъэщIэгъуэну къалъыхъуэ къызыхэкIа лъэпкъым и тхыдэмрэ и къежьапIэмрэ. «Посемейные списки жителей Нальчикского округа за 1886 год» тхылъым, «Генеалогия народов Северного Кавказа», «Архивы и общество» журналхэм я къыдэкIыгъуэ зыбжанэ, Бейтыгъуэн Сэфарбий, Опрышкэ Олег, Кузьминов Пётр, Мусукаев Александр, Махъсидэ Анатолэ, Къардэн Чэлимэт, Къармэ Руслан, Бекъул Хьэбас сымэ я тхылъхэр щхьэпащ цIыхухэр я лъэпкъ тхыдэм хуеплъэкIыжыным. Ди  жагъуэ зэрыхъунщи, ди тхылъеджэхэр зыщIэуп-щIэ Iуэхугъуэ гуэрхэм щыхэдмыщIыкI щыIэщ. Абы щхьэусыгъуэ хуохъу 1886 гъэм къуажэ зыбжанэм къэпщытэныгъэхэр зэрыщрамыгъэкIуэкIар, языныкъуэ жылэхэм теухуауэ дэфтэрхэм зыри къызэрыхэмынар. Псалъэм папщIэ, Къуэгъулъкъуей, Хьэтуей, Анзорей, Арщыдан, Дохъущыкъуей, Къэхъун, Кэнжэ, Щхьэлыкъуэ, Куба, Зеикъуэ 1886 гъэм щыпсэуахэм теухуауэ зы тхыгъэ кIапи щыIэкъым. Ауэ, Ставрополь крайм и къэрал архивым къыщыдгъуэтыжащ ХьэпцIей къуажэм теухуа дэфтэр гуэрхэр. Зи гугъу тщIы жылагъуэхэм теухуа тхыгъэ нэгъуэщI архивхэм хэлъынкIэ хъунущ, – жеIэ Мамхэгъ Астемыр.
  •  
  • Фырэ Анфисэ.