ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Гъэмахуэм и бзэр усыгъэм и псэщ

2017-09-26

  • ЗыкъэсщIэжри-
  • гъэмахуэт,
  • Жызумейри
  •  къэгъагъэрт.
  • Сыгъуэща зимыгугъэ
  • Дыгъэм сэ
  •  зыхуэзгъафIэрт.
  • Сыпсэуну сыгугъэу,
  • СыщыIэну сыхъуапсэу
  • ГъэфIэгъыбзэкIэ дыгъэм
  • Сыздришэрт и лъапсэм…
  •  
  • Сэралъп Мадинэ и Арт-центрым иджыблагъэ щекIуэкIащ «Жан» литературэ хасэм къызэригъэпэщ усэ пшыхьхэм я зи чэзу «Гъэмахуэегъэжьэж» Iыхьэр. Профсоюзхэм щэнхабзэмкIэ я уардэунэм и режиссёр Гумэ Маринэ пшыхьыр къыщызэIуихым фIэхъус псалъэкIэ захуигъэзащ къызэхуэсахэм.
  •  
  • - Адыгэхэм фIыуэ ялъагъу гуэр щрагъэжьэжкIэ кIэлъыгъэхуабэ хуащIырт. Дэри а хабзэм дытекIынкъым. Бэвыгъэ, берычэт, хэхъуэ куэдкIэ дызыгъэгуфIа гъэмахуэм усы-
  • гъэм къыхина и лъэужьыр нобэ нэIурыт тщащIынущ гъатхэм екIуэкIа усэ пшыхьым зи къеджэкIэр нэхъыфIу къыщалъыта журналистхэм. Гъэмахуэм и бзэр усэбзэм и псэщ, усыгъэм и бзийм зевгъэумэ, зывгъэпсэхумэ ди гуапэщ, – жиIащ Гумэм.
  • Республикэм къыщыдэкI газетхэм, радиомрэ телевиденэмрэ я лэжьакIуэхэу Щоджэн Iэминат, Дзэгъащтэ Азэмэт, Битокъу Маринэ, Мэкъуауэ Кристинэ, Щомахуэ Залинэ, ныбжьыщIэ цIыкIухэу Хьэгъэбанэ Залинэ, Къэшэж Беслъэн, Нэчо Астемыр сымэ усыгъэм и IэфIыр зыхыуагъащIэу Ацкъан Руслан, Мыкъуэжь Анатолэ, Къаныкъуэ Заринэ, Гугъуэт Заре-мэ сымэ я IэдакъэщIэкI-   хэм къеджащ.
  • Усыгъэр зи щIасэхэм ЩоджэнцIыкIу Iэдэм и тхылъхэмкIэ яхуэупсащ тхакIуэм ипхъу ЩоджэнцIыкIу Нинэ.
  • Пшынауэ ныбжьыщIэ, пщащэ IэпэIэсэ Тхьэлыджокъуэ Сюзаннэ игъэзэщIа пшыналъэхэр гуIэфIтещIэж ящыхъуат абы кърихьэлIа псоми.
  • Усыгъэм зэпэгъунэгъу ищIахэм бжьыхьэр я пIалъэу зэбгрыкIыжащ.
  •  
  • Инэрокъуэ  Данэ.
  • Сурэтхэр  Шыбзыхъуэ Астемыр трихащ.