ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Ерчэн Темболэт Хъусен и къуэр

2017-05-19

  • Къэбэрдей-Балъкъэр Республикэм хэщIыныгъэшхуэ игъуэтащ – и ныбжьыр илъэс 59-м иту зэуэзэпсэу лIащ къэрал, хозяйствэ лэжьакIуэ цIэрыIуэ Ерчэн Темболэт Хъусен и къуэр.
  • Ерчэн Темболэт 1958 гъэм мазаем и 24-м КъБР-м щыщ Аруан районым хыхьэ Нарткъалэ къыщалъхуащ.
  • 1978 гъэм Аруан районым щыщ Чернэ Речкэ къуажэм щыIэ «Ленинский путь» колхозым бригадирым и дэIэпыкъуэгъуу лэжьэн щыщIидзащ. Совет Армэм къулыкъур щрихьэкIри, 1983 гъэм колхозым игъэзэжащ икIи жыг хадэ зыгъэкI бригадэм и унафэщIу лэжьащ.
  • 1992 – 1998 гъэхэм Ерчэн Темболэт Чернэ Речкэ къуажэм дэт «ЗЭТ» ерыскъы комбинатым и генеральнэ директору щытащ. 1988 – 2002 гъэхэм КъБР-м и Аруан районым и щIыналъэ администрацэм и Iэтащхьэу, 2002 – 2004 гъэхэм Къэбэрдей-Балъкъэр Республикэм ерыскъы промышленностымрэ сырьем елэжь промышленностымкIэ и министру лэжьащ. 2004 гъэм абы республикэм щыяпэ «ЗЭТ» агропромышленнэ концерн къызэригъэпэщащ икIи къыкIэлъыкIуэ илъэсищым а IуэхущIапIэм и унафэщIу щытащ. 2007 – 2010 гъэхэм Ерчэн Темболэт Къэбэрдей-Балъкъэр Республикэм мэкъумэш хозяйствэмкIэ и министру, 2010 – 2012 гъэхэм Къэбэрдей-Балъкъэр Республикэм и Правительствэм и УнафэщIым и къуэдзэу щытащ. Абы къыщегъэжьауэ иужьрей зэманым къэсыху Ерчэн Темболэт «ЗЭТ» концерн» жэуап зэхэгъэщхьэхукIа зыхь зэгухьэныгъэм и унафэщIхэм я Iэтащхьэу къекIуэкIащ.
  • Ерчэн Темболэт республикэм и жылагъуэ-политикэ гъащIэм жыджэру хэтащ. Ар Аруан районым щIыпIэ унафэр зегъэкIуэнымкIэ и советым и депутату, КъБР-м и Парламентым ЛIыкIуэхэмкIэ и Советым и депутату хахащ.
  • Абы ехъулIэныгъэ хэлъу иригъэкIуэкIащ мэкъумэш IэнатIэм и экономикэм пыщIа щIэныгъэ къэхутэныгъэхэр икIи экономикэ щIэныгъэхэм я доктор диссертацэр пхигъэкIащ. ЩIэныгъэмрэ гъуазджэмкIэ Петровскэ академием, ИнформатизацэмкIэ дунейпсо академием я действительнэ члену щытащ. Бгъэдэлъ фIыщIэм папщIэ Урысей Федерацэм, Къэбэрдей-Балъкъэр Республикэм я наградэ лъапIэхэр къратащ.
  • Ерчэн Т. Хъу. хьэлэлы-  гъэрэ пэжыгъэрэ зыхэлъ цIыхут, Iуэхум, езыр щалъхуа республикэм езэш имыщIэу ятелажьэрт. Абы пщIэшхуэ къыхуащIырт и лэжьэгъухэм, Къэбэрдей-Балъкъэрым щыпсэухэм.
  • ЦIыху хьэлэмэт, ныбжьэгъу пэж Ерчэн Темболэт Хъусен и къуэр дэ зэи тщыгъупщэнкъым.
  • КIуэкIуэ Ю. А., Егоровэ Т. Б., Мусуков А. ТI., Канунников В. А., Алэкъей А. М.,
  •  Алътуд Ю. Къ., Амщокъуэ Ф. Къ., Апажэ А. Къ., Ахъуэхъу Т. В., АфэщIагъуэ        М. Хь.,
  • Быкъыш Р. Хь., Берд Хь. А., Быф А. Ж., Бозий Н. М., Бэлэтокъуэ В. Хь., Геккиев З. Д.,
  • Джэш В. М., Гуэбэшы З. А., Говоров С. А., Губин Г. С., Емуз Н. Гъу., Жанатаев С. А.,
  • Жыджэт А. А., Залиханов М. Ч., Зумакулов Б. М., Геляхов А. С., Къалэ З. А.,
  • Къэрмокъуэ Хь. М., Къуэдзокъуэ М. М., Куэщей А. Д., Марьяш          И. Е.,
  • Ульбашев М. М., Маслов Н. А., Нэхущ З. А., Пэнагуэ М. А., Рахаев Б. М.,
  •  Сэхъурокъуэ Хь. Хь., Сэхъу В. Къ., Тату Къ. Б.,
  • Тау П. Къ., Тюбеев А. И., Хьэщхъуэжь А. Б.
  •  
  •  Къэбэрдей-Балъкъэр Республикэм и Парламентым и депутатхэмрэ КъБР-м и Парламентым и Аппаратым и лэжьакIуэхэмрэ гущIыхьэ ящыхъуащ Ерчэн Темболэт Хъусен и къуэр зэрылIар икIи абы и Iыхьлыхэмрэ и благъэхэмрэ яхуогузавэ.
  •  
  • Джэрмэншык къуажэм и Администрацэмрэ Ветеранхэм я советымрэ «Эрпак» акционер зэгухьэныгъэ зэхуэщIам и генеральнэ директор Ерчэн Жамболэт Хъусен и къуэм хуогузавэ абы и къуэш Ерчэн Темболэт Хъусен и къуэр зэрылIам къыхэкIыу.