ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

Фэеплъу щы къызэIуахащ

2017-05-13

  • ТекIуэныгъэ Иным и махуэм Дзэ Плъыжьым и зауэлIхэм я фэеплъхэр Къэбэрдей-Балъкъэрым и жылагъуэу щым къыщызэIуахащ. А Iуэхум иращIэкIа дауэдапщэхэр щекIуэкIащ Дзэлыкъуэ районым щыщ ЯтIэкъуэ къуажэм, Шэрэдж районым щыщ Къэщкъэтау поселкэм, Лэскэн районым щыщ Урыху къуажэм.
  •  
  • Зауэм щыщIидза махуэм щегъэжьауэ ЯтIэкъуэ икIыу абы кIуа цIыху 68-м ящыщу 48-м къагъэзэжакъым.
  • Къэщкъэтау деж щекIуэкIа зауэ гуащIэм 37-нэ армэм хыхьэ етIуанэ гвардейскэ дивизэм и сэлэтрэ офицеру хэкIуэдахэм я цIэхэр тратхащ а жылагъуэм къыщызэIуаха обелискым. 1942 гъэм и жэпуэгъуэ мазэм абдеж я псэр щатащ совет зауэлIу 350-м щIигъум.
  • Урыху къуажэм къыщызэIуаха фэеплъыр хуагъэпсащ а жылагъуэм щыщу Хэку зауэшхуэм хэта икIи ТекIуэныгъэ Иныр илъэс 72-рэ щрикъур зымылъэгъуа цIыхуи 190-м.
  •  
  • КъБР-м и Iэтащхьэмрэ Правительствэмрэ я пресс-IуэхущIапIэ.