ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

ДиIэщ дэри псэ

2015-12-29

  • Жылокъуэ Мухьэмэд Мысост и къуэр 1939 гъэм Аушыджэр къуажэм къыщалъхуащ. Школыр къиухыу Баку дзэм къулыкъу щищIа нэужь, Налшык дэт технологие техникумым щеджащ. Ар ехъулIэныгъэкIэ къиухри, гъэшхэкIхэм щелэжь комбинатым илъэс куэдкIэ щыIащ.
  • Сабий дыдэу, 4-нэ классым щIэсу, усэ кIэщI цIыкIухэр итхын щIидзащ Мухьэмэд. КъинэмыщIауэ, адыгэ макъамэм хуабжьу дехьэх нэхъыжьыфIыр, уеблэмэ езым и усэхэм макъамэ щIегъэувэж.
  •  
  • Сабийхэм  я  гъыбзэ
  •  
  • Адрей сабийхэми яхуэдэу,
  • Дыкъалъхуахэт дэри адэ-анэм
  • Ауэ, гуфIэгъуэ дамыгъэлъагъуу,
  • ЗэбгъэдокIыжхэр, я гур къытщIэмыгъуу.
  •  
  • Сыти ди лажьэт, сыти фэтщIат
  • ЕкIуэлIапIэншэ зэхэзедзэну,
  • Зеиншэ къабзэу дыкъэвгъэнэну,
  • Ар дауэ фи гум тевгъэхуэфа?
  •  
  • Насып фимыIэр къыщыфлъыхъуэну
  • Фызытехьари сыт хуэдэ лъагъуэ,
  • Фемыгупсысу дэ ди къэкIуэнум,
  • Сабий насыпым и псыпэр вгъэгъуу.
  •  
  • Фи псалъэ гуапэт дызыхуэныкъуэр,
  • Дыхуейт къэфщIэну ди гур щIэныкъуэр,
  • ЗыщыдмыгъэнщIу дыщIэплъэу и нэм,
  • Тыншу дилъыну и IэплIэм анэм.
  •  
  • Ауэ дыфщIри пэIэщIэ а псоми,
  • ФлъэкIащ дефтыну сабийхэм я унэм,
  • Мыбы тыншыпIэ щимыхуэу ди псэр,
  • Дохъуапсэ бгъэдэсым я адэ-анэм.
  •  
  • Дыкъэзылъхуауэ ди адэ-анэ,
  • Фи дежи къэсынущ зэгуэр зэманыр -
  • ФызэриIахэр бын къэфщIэжауэ,
  • Дыкъэфлъыхъуэну фыкъежэжьэнущ.
  •  
  • ЗэвгъащIэ быдэу, псэ дэри диIэщ,
  • Ауэ фхуэхъуащ ар мыл кIанэ щIыIэ,
  • Хэдмыгъуэтэжу хуабэ фэр щхьэкIэ -
  • Сыт хэкIэсауэ тобэ къэпхьыжкIи?!
  •  
  • ЦIыхугъэ зиIэм гущIэгъу къыфхуащIмэ,
  • Жьыхэр щапI унэм фратыжынщ,
  • Абы щывгъакIуэ нэужь фи гъащIэр -
  • ГъащIэр зищIысыр къывгурыIуэнщ.
  • Сыныппоплъэ
  •  
  • Пшапэр хуэмурэ зэхоуэ,
  • Гъатхэ махуэр йотIысэх.
  • Ди лэжьыгъэхэр духауэ,
  • Хъыджэбз цIыкIухэр тIэкIу дешауэ,
  • Унэм дызэбгрокIыж.
  • Сэри пэшым сыщIохьэж.
  •  
  • Си гур пэшым щIэмызагъэ -
  • ФIыуэ слъагъур къыкъуэмыкI,
  • Сыпежьэну сыкъыщIокI,
  • ЩтэIэщтаблэурэ зысплъыхьу,
  • Хуэму хадэмкIэ сынохьэ -
  • Си губампIэр згъэтIысыну
  • Хьэуа къабзэ жьэдэсшэну.
  •  
  • Жьыбгъэм жыгхэр егъэхъей,
  • Жыг къудамэм зыкъагъэщхъ,
  • СагъэудэIуну хэт нэхъей,
  • ПщIащэ цIыкIухэр къысхуощхъыщхъ.
  • ЗыхащIауэ си гум илъыр,
  • СфIощIыр ахэр къызэпсалъэу:
  •  
  • ТIэкIу пэплъэж,
  • Къэсынщ уи щауэр,
  • ИкъукIэ уэ къыпхуэзэшауэ,
  • УщIигъэдэIунщ и псалъэм,
  • КъуиIуэтылIэу и гухэлъыр.
  • Къуитыжынщи псэ тыншыгъуэ,
  • ГъащIэр пхуищIыжынщ щIэщыгъуэ.
  •  
  • Хадэм жьыбгъэр йожыжыр,
  • ПщIащэхэм я щхъыщхъыр зыдихьыжу.
  • Ауэ сыщIыхьэжкъым унэм -
  • Сожьэр щауэр къыщыкIуэнум,
  • Зэ нэхъ мыхъуми сыIуплъэну,
  • Жэщым тыншу сыжеину.
  •  
  • ЖЫЛОКЪУЭ Мухьэмэд.