ФИФI ФЫМЫГЪЭПУД, ФИ IЕЙ ФЫМЫГЪЭПЩКIУ

АДЫГЭ ПСАЛЪЭ

УФ-м и Правительствэм и фIыщIэ

2015-03-14

  • Законым тетынымкIэ, цIыхухэм я хуитыныгъэхэр хъумэнымкIэ бгъэдэлъ фIыщIэм папщIэ икIи илъэс куэд лъандэрэ хьэлэлу зэрылажьэм къыхэкIыу Урысей Федерацэм и Правительст- вэм фIыщIэ къыхуищIащ УФ-м и Суд приставхэм я федеральнэ къулыкъущIапIэм и Управленэу КъБР-м щыIэм и Налшык къалэ IуэхущIапIэм и унафэщI, суд пристав нэхъыжь Шэджэм Анзор.
  •  
  • ЮстицэмкIэ министерствэм хиубыдэ IэнатIэм Шэджэм Анзор 1990 гъэ лъандэрэ щолажьэ. Ар 1998 гъэм и пэщIэдзэм щегъэжьауэ суд приставхэм я Налшык къалэ IуэхущIапIэм и унафэщIщ. Зыпэрыт IэнатIэм къыщихьа ехъулIэныгъэхэм папщIэ «Урысейм и юстицэм щIыхь зиIэ и лэжьакIуэ» бгъэхэIу дамыгъэр 2009 гъэм къратащ. Блэ-кIа илъэсым абы къыхуагъэфэщащ «Суд приставхэм я федеральнэ къулыкъущIапIэм щIыхь зиIэ и лэжьакIуэ» цIэр.
  • УФ-м и Суд приставхэм я федеральнэ
  • къулыкъущIапIэм и Управленэу
  • КъБР-м щыIэм и пресс-IуэхущIапIэ.